25Peraltro se volè, Legislatori
Zelanti de la Patria,
Se volè, mi ve dago
Un ricordo sicuro ma violento
Da farve sgargatar, cavar i ochi.
30Ecolo in bota qua:
Chiapè, tegnì, sarè la Dona in casa,
La Dona, sì, la Dona,
La Dona à rebaltà
Le legi e le virtù de sta Cità.
IL CONCIERE DI TESTA
El concier de la Dona
Ogni momento el cambia;
Parigi ne dà el ton
Per topè, per bandete e per cignon.
5Quel concier feminil
Xe vario; ma el viril,
Quelo del Cavalier e del Marìo
No va avanti nè indrio;
L'è costante, l'è quelo,
10L'è quelo che savè,
L'è quelo alfin, l'è quelo de Moisè.
