PER LA PRIMA COMPARSA AL BROGLIO NELL'ANNO
1778 DI DUE PATRIZI GIAMMARIA BALDI
MUSSA, E GIULIO ANTONIO MUSSATO
Oh co' bela, oh co' bela
Combinazion propizia!
Un Mussato e una Mussa
In t'un istesso dì
5À messo tuti do' veste patrizia!
Chi ride e se sganazza,
Chi fa bordelo in piazza,
Altri vol che malsana
Sta Dama Serenissima vechieta
10Tioga el late per questo de Musseta;
Ma mi, che ò bon giudizio,
Vedo 'l caso propizio
De un'epoca gloriosa,
Come quel de la Vaca
15Ch'è stà cambià in Europa belicosa;
E come, dando 'l late
A Romolo ed a Remo
Una Lova selvadega
Xe nassua la Republica Romana,
20Cussì un Musso e una Mussa
Sempre più soderà
Sta Republica nostra Veneziana.
