Pagina:Collezione delle migliori opere scritte in dialetto veneziano 11.djvu/53

Sta pagina la xe stà trascrita, ma la gà ancora da vegner rileta.

EPIGRAMMI

I

Nemighe dei omeni
    Per genio crudeli,
    Superbe, infedeli
    Le Done se chiama;
    5Nè tase nessun;
E pur co sti radeghi
    Chi è quel, che no ama?
    Che no s'inamora?
    Che drio no ghe cora?
    10Disèmene un.

II

Se fusse una dona
     (Che 'l Ciel me perdona)
     El primo zeloso
     Saria butà zoso
     5Da qualche balcon.
Da sti maledeti
     Se strupia i dileti,
     Se guasta a l'estremo
     La megio che abiemo
     10De tante passion.