Dise: Carissima
Muger vechissima,
Ti favi stomego,
Pur i to' talari
I m'à incantà;
Quei m'à dà stimolo,
Quei m'à inzucà,
Quei rason unica
Che t'ò sposà.
No, no ressussita,
Resta pur là,
Lassime vedoo
Per carità.
Va un altro da so' posta brontolando:
Corpo de Baco, ancuo son Ofizial,
Se i morti va costù ressussitando
Torno Sargente e forse Caporal;
E che la stagà là, perchè sicuro
Se va avanti sto afar torno Tamburo.
Trenta se fa sentir,
Quasi nissun capir.
Diese se sente dir: E mi, e mi,
Che l'è cussì, e cussì.
Altri vinti a sbragiar: Scoltè
De mi come la xe.
Co' una vose da toro alfin un cria:
Via tasè, pofardìa!
E un drio l'altro parlemo
