IL VERO BARCAJUOLO VENEZIANO
Intender l'acqua, viver a zornada,
Voga destesa senza spessegar,
In tel streto del rio no se ligar,
4Per no far gropo dar la so' siada;
Coi omeni d'onor far camerada;
Ai tressi curte, tuti saludar;
Star su la defensiva, e no bravar
8Senza rason per no far mai bulada.
Tratar ben la mugier; dei fioi grandoti
No far che la dotrina sia el batèlo;
11Esser segreto, e no far zo merloti;
Che no deventa el Magazen Tinèlo,
Nè casse el gheto, nè sansughe i loti;
14Questo xe 'l vero Barcariol. Cerchèlo!
