PER LA MORTE D'UN FIGLIUOLO
DELL'AUTORE
Me xe morto un putin! Morte sassina
In pochissimi dì me l'à robà
Ai diese Zugno de l'ano passà
4Da una tosse ostinada e malandrina.
Se m'à portà via el cuor sta creaturina,
Se ò pianto la mia parte e sospirà,
Lasso che chi xe tenero papà,
8Senza che mì ghel diga, l'indovina,
Ma rifletendo a le disposizion
De l'Eterna Infalibile Sapienza,
11E che una vale de miseria è questa,
Ai Decreti del Ciel sbassà ò la testa,
Me son armà de santa soferenza,
14E ò dito: Signor mio, vu sè el Paron;
E cussì ne le aflizion
Altro conforto no se trova al fin
17Che rassegnarse al gran Voler Divin.
