Ti me vol dar da intendere
Che no ti ga altri amanti,
Ma no so mato a crederte,
28Come che gera avanti.
Ti ga, cussì no fussela!
El caro to' Tonin,
Che tute l'ore assiduo
32Te sta sempre vicin.
Lo vedo ch'el te cocola,
Che ti ghe porti afeto,
Mi mai te vago a genio,
36Tratà son per dispeto;
No posso star un atomo
Con tì da solo a sola,
Nè senza testimonio
40Te posso dir parola:
Per elo no te stimola
Inutili riguardi;
Per mì è delito massimo
44Se apena ti me vardi!
Ah Nina, no son semplice,
Capisso chiaramente:
Tonin xe el to' bel idolo,
48Mi son un biltri, un gnente.
