LA VERITÀ
Vien dito ch'el Dio Celo,
O un'altro che ghe gera
Che à fabricà la tera,
I pianeti, e le stele,
5E tute st'altre cosse o brute o bele,
(Fra le quali gh'è l'omo,
Che per parlar sincero xe un gran tomo)
L'avesse anca creà
Certe Divinità,
10E fra le altre una tal,
Che 'l gavea messo nome Verità.
Questa doveva el mondo iluminar,
L'ordine conservar,
Assister i mortali,
15E far ch'ogni creatura
Facesse in sto teatro,
Per quanto che se pol, bona figura.
Le xe vegnue qua in tera
