Pagina:Collezione delle migliori opere scritte in dialetto veneziano 2.djvu/56

LA MOSCA

In quei bei tempi d'oro,
     Che parlava el molton, la manza, el toro,
     Le mosche, i rospi, i sorzi, i aseneli
     E che tuti parevimo fradeli,
     5Che nasseva i puteli
     Senza che la Comare o 'l Comaron
     Facesse de le brute operazion,
     E che tuto gera bon;
     Che dai roveri el miel,
     10Dai fiumi se gavea late e puina,
     Che no gh'era cusina,
     Nè leti, nè poltrone,
     E che le done gera Nine e None,
     Val a dir brave e bone,
     15Servindo d'una gran comodità
     A tuta quanta la Comunità
     Senza driti esclusivi;
     Che sicuri dormivi