LA CANDELA
Ghe diseva una dona al so moroso,
Che gera inamorà ma no fogoso:
No, no ti è quelo, che ti geri un dì.
E lu: Sì, Nana, son l'istesso, sì. —
5— No, che no ti è l'istesso!
Ma per cossa più spesso
No me vienstu a trovar?
Assae più s'à da amar.
Ma lu no replicava,
10E la candela intanto el smocolava.
Nana diseva: Ascolta,
Mo via badime, caro,
Ma cossa fastu? — Fazzo un po più chiaro.
E tanto l'à mocà,
15Che a la fin la candela l'à stuà.
Za lo vedeva, à dito la so bela,
Sior sempio, che stuevi la candela:
