A depenzer sti automati viventi,
Che no ha de uman che l'anema e 'l contorno?
No, no, fredi poeti, a vu ve toca,
Mi voi restar co tuto el dolce in boca.
39E dir che un Paradiso sarà belo
Se ghe sta drento e se diverte i Dei;
Ma che un paradiseto xe anca quelo,
Che i nostri Citadini Semidei
Se fabrica l'inverno soto el cielo:
E che se mai vegnisse in testa a quei
De goder la Cità per un momento,
I lassa el cielo, e i vien a star qua drento.
