Pagina:Collezione delle migliori opere scritte in dialetto veneziano 3.djvu/47

Sta pagina la xe stà trascrita, ma la gà ancora da vegner rileta.

     Oh che delizia!
     Gran Primavera!
     Che stagion cocola!
     Me cresce el cuor.
65Tornerò a vederla
     Per sti Casini
     O a magnar brocoli,
     O sui matini
     Dal famosissimo
     Sior Valentin:¹
66Ma sul mar tremulo
     Sponta l'aurora,
     Se svegia Zefiro,
     I osei vien fora,
     E va indorandose
     Qualche camin.
67In cielo sfiamega
     La luse d'oro,
     La zente misera
     Torna al lavoro,
     E salpa l'ancora
     El mariner.
68Pase o mia Filide,
     E in vu destìli

↑ Caffettiere in piazza di S. Marco.

[1] Caffettiere in piazza di S. Marco.

1