Pagina:Collezione delle migliori opere scritte in dialetto veneziano 3.djvu/60

          Florian¹ su la sera
               Par proprio una Fiera.
               Teatro e Casini
               Ve porta ai matini,
               75Se' ancora al Salvadego
               Che in cielo xe el sol.
          No gh'è i caregoni
               Dei nostri vechioni,
               Le done in busteto,
               80L'anguria, el figheto,
               E tanto de ventolo
               Co Sior Pantalon,
          No gh'è mo quei sempi
               Che andava in quei tempi
               85Vogando in batelo
               Col so polastrelo,
               No fa siora Momola
               L'amor sul balcon;
          Nè più le Signore
               90Strapazza le ore,
               E in stil pedantesco
               Va in gondola al fresco.
               Sti gusti ridicoli
               Per mi no li go.

1. Caffè nella gran piazza di S. Marco.