Pagina:Collezione delle migliori opere scritte in dialetto veneziano 3.djvu/98

          Terminà che sia el disnar,
               Senza gnanca saludar,
               Co quei pochi che te piase,
               410Andaremo in santa pase,
               E al Cafè, a la Cavalchina,
               Se starà sin la matina.
          Oh che delizia
               Xe la Campagna!
               415Cussì godendola
               Se se sparagna
               Qualunque incomodo,
               Nè se presenta
               La solitudine
               420Che ve spaventa!
               Ma za sparisse,
               Diminuisse
               El mondo nobile,
               La zente colta:
               425Tuti ripatria,
               Tuti xe in volta:
               Anca Nineta
               No sta più quieta,
               Che 'l malinconico
               430No la dileta;
               E donca subito
               Se passerà
               A le delizie
               De la Cità.