Pagina:Collezione delle migliori opere scritte in dialetto veneziano 4.djvu/103

Sta pagina la xe stà trascrita, ma la gà ancora da vegner rileta.
XCI


Senti, Nina, che sogno traditor.
     Za dormiva, ma d'esser me parea
     In certi lioghi che no ghe n'ò idea;
     4E in quel che i vardo, comparisse Amor.

Ti pol rafegurarte el me stupor;
     La to Coa el gavea in man, o la parea,
     Tanto la gera longa, e la spandea
     8Tanto come la toa, lustro e splendor.

Ghe vago incontro alegro che mai più,
     E co' son per basarla e tiorla in man,
     11Lu core via, e mi coro drio de lu.

E cori e cori, infin mi son cascà,
     E dal colpo e dal rider de quel can,
     14Me son col fiel sui lavri desmissià.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_4.djvu/103&oldid=62007"