V
La povera afamada Celegheta
De megio da lontan visto un muchieto,
La svola per becarsene un graneto,
4E in tel becarlo al vischio la se peta;
Sentindose le zate obligà e streta,
La sbate l'ale, la tra suso el peto,
La se inzegna, e la tenta co un svoleto
8De salvarse la vita, meschineta!
No riussindoghe in fondo de far gnente;
Se mete a pispolar, e la contrada
11Rebombar dei so zemiti se sente:
Ti, Nina, ti è quel muchio de granei,
Mi son la Celegheta sfortunada,
14E quel vischio fatal xe i to Cavei.
