Pagina:Collezione delle migliori opere scritte in dialetto veneziano 4.djvu/27

Sta pagina la xe stà trascrita, ma la gà ancora da vegner rileta.
XV


Co la Volpe ga fame la se va
     Co la panza su un scogio a colegar,
     E quieta quieta (varda furbità!)
     4La coa la fa ne l'aqua zogolar.

La crede 'l Granzo roba da magnar,
     Core, e in quei peli el resta incatigià:
     Fora la coa xe lesta ela a cavar,
     8E brinca el Granzo che ghe xe tacà.

Più furbo de la Volpe el crudo Amor
     Se serve de l'istesso tradimento,
     11E de ti, o Coa, per far botin d'un cuor.

Lu el se sconde, e 'l te fa zogolar ti,
     Ghe core el cuor, se ghe incatigia drento;
     14Amor lo chiapa, e, gramo cuor! bondì.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_4.djvu/27&oldid=62049"