XLIV
A brìa sciolta scampando sbigotìo;
Persa la guera, el perfido Assalon;
L'è restà incatigià (voler de Dio!)
4Co la Coa ne le rame de un pianton.
Gioabo mo, che ghe la dava drio,
Vedendolo restà là a picolon,
Ghe xe andà adosso in furia, e inviperìo
8El gh'à sbusà la panza col sponton.
A colù ghe xe stà la propria Coa
La so morte, e a mi poco deferente
11Nina, la morte mia sarà la toa.
Xe ugual el caso e la fatalità,
Ma mi, e 'l posso zurar, son inocente,
14Che Assalon se l'aveva merità.
