Pagina:Collezione delle migliori opere scritte in dialetto veneziano 4.djvu/59

Sta pagina la xe stà trascrita, ma la gà ancora da vegner rileta.
XLVII


Credemelo, morosi, Amor xe mato,
     Mato e baron, e 'l provo co l'efeto
     Chi el lo fa inamorar in t'un riseto,
     4Ch'in t'una boca, chi in t'un sen intato;

Chi in do' ochi, o in do cegie, o in t'un bel trato,
     Chi un t'un pie, o in t'una man, chi in t'un naseto,
     E mi, ridè, sto mato maledeto
     8Inamorar in t'una Coa el m'à fato.

E co' el me pol catar sto buzaevìa
     El me cazza in ti ochi quela Coa,
     11El me varda, e po el ride, e 'l volta via.

Mi go una stizza co quel bardasson,
     Che se 'l posso becar, in vita soa
     14No l'à bu el più potente stramuson.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_4.djvu/59&oldid=62084"