Pagina:Collezione delle migliori opere scritte in dialetto veneziano 4.djvu/70

Sta pagina la xe stà trascrita, ma la gà ancora da vegner rileta.
LVIII


In quel che un bocoleto destacava
     Un dì la Nina da un roser, vien ponta
     In t'un deeto de una man da un'Ava,
     4Che per suzzarlo se ghe gera sconta.

Co la ga ben sentìo che ghe brusava,
     Inver mi, ohi! ohi! zigando, la cor pronta,
     E mentre 'l deo de lagreme la lava
     8Del becon e de l'Ava la me conta.

Ma quel, la dise, che stupir me fa
     Xe questo, che culìa co la so Coa,
     11E no col besevegio m'à becà.

Che maravegie! gh'ò resposto mi;
     No ti m'à becà el cuor ti co la toa?
     14No ti me 'l bechi tuto el santo dì?

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_4.djvu/70&oldid=71972"