LXX
Dove 'l pra xe più verde e più fiorio,
E dove xe più folta l'erbesina
Se sconde 'l bisso tuto irizzolìo,
4E guai chi 'l zapa, e chi se ghe avicina!
Co l'arte istessa Amor frasca, muzzina,
Per no esser visto a far de nu desìo,
In mezo a la to Chioma folta e fina
8Sta sconto e quachio zo come un conìo.
Gramno quel cuor che varda quei Cavei!
Te lo sbasisse Amor a l'improviso,
11E ghe ne fa, come del mio, mazzei.
Ve sia de spechio la me sorte acerba,
Cuori incauti, e acetè sto bon aviso:
14Latet, vardève ben, anguis in herba.
