LXXVI
Cossa xe Amor? Un caro fantolin,
Tuto graziete, un Dio fra i Dei el mazor,
El restoro del mondo, un don divin,
4De le delizie e dei piaceri el fior;
De tuti i cuori el refrigerio, e infin
El somo d'ogni ben, anzi el saor...
Questo xe Amor? Questo? Oh puter de din!
8Oh! no, ve'l dirò mi cossa xe Amor.
Un suplizio, un martirio, un crucio, un can,
Una vil frasca, un desonor dei Dei,
11Na furia, un sanguenario, un fier tiran,
Un furor, un veleen, un che à savesto
Tirarme co una Drezza de Cavei
14Sempre a morir vivendo: Amor xe questo.
