Sta pagina la xe stà trascrita, ma la gà ancora da vegner rileta.
LXXVII
Certe burlete co' me vien in mente
Fate, e no poche no, per farse strada
A dar in libertà qualche sorada
4Zo in tera dal gran Giove onipotente;
E quela po de Danae spezialmente,
Che dal pare spavio, benchè inchiavada
In t'una tore, el ghe la ga ficada
8Trasformà in piova d'oro astutamente;
Un gran dubio me nasse in cuor, Nineta,
Che dei to Cavei biondi el bel tesoro
11Esser possa qualche altra so burleta.
De fato, se da niovo el re dei Dei
Volesse trasformarse in piova d'oro,
14Che oro più bel de quel dei to Cavei?