Pagina:Collezione delle migliori opere scritte in dialetto veneziano 4.djvu/95

Sta pagina la xe stà trascrita, ma la gà ancora da vegner rileta.
LXXXIII


Mi no so cossa dir, xe qualche zorno
     Che la testa me par un molinelo,
     Me par aver in peto el Monzibelo,
     4Le carne infin me sbregarìa d'atorno.

No son più del me umor, no penso un corno
     Nè a bever ne a magnar, e za a bel belo,
     Questa la vedarè, perdo el cervelo;
     8Tropo scambià me sento, e tropo storno.

Se me nassesse mai sto caso grando,
     E me 'l volessi, Amici, rescatar,
     11Come 'l pietoso Astolfo quel d'Orlando;

De catarlo su in Ciel no ve spetè;
     Senza ipogrifo e senza gran viazar
     14Fra le Drezze de Nina el trovarè.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_4.djvu/95&oldid=62124"