LXXXVI
Per menar via Despina in compagnia
Del so fido Ruger, da quel castelo
Dove i la tegnea tanto custodìa,
4Lirina s'à pensà un repiego belo.
Fato de la so Drezza un cordoncelo
Da poder po servirsene de bria,
La l'à impirà nel beco al gran oselo
8Rufianon de la striga Arimodìa;
Imbrià su cussì co quela Coa,
La ga fato po far con gran stupor
11Tuto quel che saltà gh'è in testa soa.
Quel che Lirina de l'oselo à fato,
Adesso co la toa de mi el fa Amor,
14Che m'ò lassà impirar proprio da mato.
