Pagina:Collezione delle migliori opere scritte in dialetto veneziano 5.djvu/15

     210A l'umanissima
     Veneratissima
     Parona amabile.
Ilustre Dona,¹ onor del vostro Sesso,
     D'ogni grazia e virtù gentil modelo,
     215Ve sia propizio el Ciel, quel Ciel istesso
     Che v'à donà quel cuor che è tanto belo,
     Quel Ciel che a Vu soleta v'à concesso
     El più caro, adorabile Putelo,
     Quel Ciel... ma, oh dio! bisogneria dir tanto
     220Che mai se feniria: bevemo intanto.
Su via bevemolo,
     E a son de piferi,
     Trombete e flauti;
     Tamburi e timpani,
     225Chitare e cimbani,
     Lironi e gnacare,
     Su via onoremolo,
     Imortalemolo,
     E pieni de alegrezza e de morbin
     230Cighemo tuti: viva sto bon Vin.
Viva, viva i me Paroni,
     Cavalieri splendidissimi,
     E i Parenti nobilissimi
     De sta Casa Ecelentissima;
     235Ma i xe tanti, e tanto i merita,

1. La Nob. Donna Elisabetta Duodo Cont. Vidmann.