L'AVA E 'L PAVEGIO
Za l'Aurora per i campi
Dà la cazza al lusariol;
Za da l'onde tra i so lampi,
4Scampa e ride el novo Sol.
Dise a l'Ave la regina:
Pute care, adio, bon prò!
Che fragranza a la colina!
8A revederse a filò.
Va la fola industriosa
Sora i gigli; su i gimè,
E chi al timo e chi a la rosa;
12Come andemo nu al Cafè:
Ma nu spesso, povereti,
Rei veleni a sorsegiar;
Senza spesa nè sospeti,
16Ele 'l netare a chiuchiar.
Stava giusto un'Ava un zorno
Sù 'n garofolo in zardin;
Zupegandoghe d'intorno
20A sorseti 'l coresin;
Su quatr'ale tricolori
Un pavegio bel esprì
