EL MULO IN GLORIA
Qualche volta le disgrazie
Xe mo bone da qual cossa;
I canali le desgossa
Dove score la rason;
Le sculazza l'avarizia,
La libidine le scota,
L'amor proprio le sberlota,
Le desmascara un bufon!
Là in Romagna un Mulo in grassa
Brigliadoro d'un prelato,
Se vantava d'esser nato
Nel Haras del gran Signor;
Ma per altro po 'l saveva
Che so mare la cavala
Avea avudo for de stala,
Qualche fufigna d'amor.
Ma lu vol scordarse afato
Quel anedoto insolente;
De la mama no l'à in mente
Che le belliche virtù.
