Pagina:Collezione delle migliori opere scritte in dialetto veneziano 6.djvu/58

Sta pagina la xe stà trascrita, ma la gà ancora da vegner rileta.

EL PARALITICO E L'ORBO

1Viveva a Balsora,
     Cità de Persia,
     Trent'ani fa
     Do miserabili,
     Che proprio merita
     Celebrità.
2Un gera strupio
     E paralitico
     Desnombolà,
     E l'altro, un inclito
     Professor d'Otica
     L'aveva orbà.
3Quel stava imobile
     Vicin a un gatolo
     Abbandonà;
     S'el tenta moverse
     El casca in sincope,
     El fa pietà.
4Tuti el comisera,
     Nè ghe fa un'anema
     La carità.
     La fame el rosega,