CONTRO UN UOMO DI TESTA MOLTO GROSSA E TONDA
Sogno curioso, ti xe tanto belo
Che te voi far saver a tuto el mondo!
No gh'è poeta, no ghe xe penelo
4Che scriva, o che depenza el to segondo!
Quel che ne passa el dì per el cervelo
De ben, de mal, de tristo e de giocondo
Se lo sognemo che nol par più quelo,
8Ma co'l se cerca el se ghe trova in fondo.
Sentìme, e capirè dal sogno mio
Se son d'arente al vero, o se lontan.
11Gera Vicenzo avanti e mi da drio;
Coro, lo avanzo, e po dopo pian pian
Lo chiapo per el muso; el ciga, oh Dio!
14Me desmissio, e me trovo el culo in man.
