CONTRO CERTO SIMONE
MAL VEDUTO DAL POETA
Se el Rabi da chi studia xe stimà
Per dir in cento modi una parola,
Xe certo che assae più meriterà
4Chi ghe ne dise cento in una sola;
E se chi studia a quelo xe obligà,
Sta scienza nova gh'à da far più gola,
Perchè con questa certo el troverà
8La brevità ghe piase e che consola.
Se per esempio volè dir Simon
Grasso, gregugna, grossolan, astuto,
11Superbo, mato, traditor, bufon,
Bevagno, crapulon, bestia da struto,
Dotor buziaro, putanier, poltron,
14Dizè Simon che averè dito tuto.
