Che va l'ambrosia a siropar dei Numi.
Là, Brigliadoro, xenso
E de la fama erede
Del celebre ronzin, scorta d'Orlando,
50Brigliadoro, del despota Chinese
Prima delizia, che poc'ore avanti
Se non vinta, delusa
À nel bosco la tigre, e trato in salvo
El so Signor, per una stasi, forsi
55De mal digesta boria
Che fa le veci de l'apoplessia,
Gera morto, tornando in scuderia.
Co le redene ancora de brilanti,
Col morso ancora de smeraldi in boca,
60Col so zafiro a lunapiena in fronte,
Sora un sofà de soprarizzo d'oro,
(Che de leto nuzial più che de bara
Sfogia i fregi e la forma)
Dure stende le zampe, e par che dorma.
65Sul cabarè de diaspro sanguigno
Che ghe sta a fianco, squasi
Fatua noturna bampa, la tremenda
Scimitara imperial sfiamega nua:
E a la vista del popolo racolto
70Furibondo Kien-Long vol far co questa
A Thulan-kin de propria man la testa;
A Thulan-kin, che gran palafrenier,
Con ignoranza rea non à previsto
