Pagina:Collezione delle migliori opere scritte in dialetto veneziano 7.djvu/9

Sta pagina la xe stà trascrita, ma la gà ancora da vegner rileta.

     Che va l'ambrosia a siropar dei Numi.
Là, Brigliadoro, xenso
     E de la fama erede
     Del celebre ronzin, scorta d'Orlando,
     50Brigliadoro, del despota Chinese
     Prima delizia, che poc'ore avanti
     Se non vinta, delusa
     À nel bosco la tigre, e trato in salvo
     El so Signor, per una stasi, forsi
     55De mal digesta boria
     Che fa le veci de l'apoplessia,
     Gera morto, tornando in scuderia.
     Co le redene ancora de brilanti,
     Col morso ancora de smeraldi in boca,
     60Col so zafiro a lunapiena in fronte,
     Sora un sofà de soprarizzo d'oro,
     (Che de leto nuzial più che de bara
     Sfogia i fregi e la forma)
     Dure stende le zampe, e par che dorma.
65Sul cabarè de diaspro sanguigno
     Che ghe sta a fianco, squasi
     Fatua noturna bampa, la tremenda
     Scimitara imperial sfiamega nua:
     E a la vista del popolo racolto
     70Furibondo Kien-Long vol far co questa
     A Thulan-kin de propria man la testa;
     A Thulan-kin, che gran palafrenier,
     Con ignoranza rea non à previsto

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_7.djvu/9&oldid=67068"