BRINDISI
ALLA TAVOLA
DEL N. U. TOMMASO SORANZO
Sarà vero, lo vol tuti;
Ma ingiotirla mi no posso!
Chi pol mai lodar un osso
Che no ga nè ti, nè mi?
Quela bela età de l'oro
Da i poeti decantada
Tuti vol che la sia stada,
Ma nissun sa dir per chi.
I vien fora con Astrea,
I vien fora con Saturno,
E sto rosto va po in turno
Da i antichi fin a nu.
I se cocola sta idea,
I ne indora la fiabeta,
Senza un fià de camiseta
I depenze la vertù.
I ne dise che un gran gusto
Gera alora el star sentai
