Pagina:Collezione delle migliori opere scritte in dialetto veneziano 8.djvu/69

Sta pagina la xe stà trascrita, ma la gà ancora da vegner rileta.

     In palazzo la caseta
     N'à permesso de cambiar;
Che n'à fato amar el lusso
     Megio assae ch'el star de bando
     In sempiezzi consumando
     L'uso belo de rason;
Che galante fin lu stesso
     De i so' amori co la lista
     De le done la conquista
     N'à ridoto a profession.
Senza Giove ancora ignota
     Sarìa l'arte d'armonla,
     Nè Veluti parerìa
     Su le scene un russignol;
No saria paron Canova
     Co do bote de scarpelo
     A Nature, so modelo,
     De rapirghe quel ch'el vol.
Per lu solo in sta tempesta
     De pensieri e de bisogni,
     Inganandola de sogni,
     Xe rinata umanità;
Che rompendo le montagne,
     Spaventae dal tibidoi,
     Co i so marmi a i nostri eroi
     Archi e logie ga inalzà.
Lu xe stà che à messo in voga
     Versi curti, versi longhi;

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_8.djvu/69&oldid=55195"