Sier Orazio, che ga disisset'ani,
Xe el più bon puto che ghe sia a sto mondo;
L'ama la quiete e nol se tol afani,
Casalin, facendin, lesto e giocondo.
Anca sier Marco, che ga manco ani,
Xe un puto de bon genio e de bon fondo,
E che col tempo mostrerà anca elo,
Che àno bon intendachio e bon cervelo.
Suonar odo in un tratto una trombetta,
E sparir veggio la goduta scena,
E un'ampia Chiesa nella macchinetta
Veggio apparir di popolo ripiena.
Mi sorprende; mi piace, e mi diletta
D'un palco musical la vista amena,
Io dico a Pasqualin: Bravo davvero,
Lodo l'esecuzion, lodo il pensiero.
Veggio da un lato una gentil damina,
E sento il vecchiarel che si ragiona:
Osservano Zenenza Contarina
Che un anzolo la par proprio in persona.
Vardano con che grazia la camina;
Tuti la varda, tuti la minzona;
Ecola inzenochiada da una banda,
E i Preti che ghe canta Messa granda.
