Aurisbe, Aurisbe, el diavolo
Ve torna a stuzzegar;
Volè, tropo onorandome,
4Farme precipitar.
M'avè tocà in tel debole
Co' m'avè dito in prima
Che a un novo tema avevimo
8Da esercitar la rima;
De novità son avido,
Le cerco in ogni fonte,
E ò per le cosse insolite
12Rime felici e pronte;
Ma inteso de le Muneghe
El solito argomento,
M'ò sentìo per le vissere
16El sangue in movimento.
Come un bambin che spasema
Vedendo el buzzolà
El sente dal reobarbaro
20El dolce amaregià.
