Co la virtù poetica
Mi spiegherò el mistero;
Son anca mi un fatidico
136Interprete del vero.
Indovinela è un termine
Bassissimo e volgar,
Ma el vostro xe un enigma
140Dificile a spiegar:
Mi so che ghe xe un albero
Piantà in t'un bel zardin
Che sul ramo medesimo
144Ga un pomo e un limoncin.
Sento che 'l Dio d'Anfrisia
M'acende el cuor in peto;
Che me soleva e ilumina
148La mente e l'inteleto.
Sì, sì, la pianta fertile
Che strolegar m'à fato
Xe el Cavalier medesimo,
152Aurisbe, del ritrato.
El bel seren de l'Adria,
D'eroi zardin fecondo,
Xe la felice Patria
156Che l'à prodoto al mondo;
E i fruti de do specie,
El limoncin e 'l pomo,
Xe do Sorele amabili,
160Prole d'un sì grand'omo;
