Pagina:Cristofferi - Un'onta e una ponta, Venezia, Pellizzato, 1907.pdf/32

Sta pagina la xe stà trascrita, ma la gà ancora da vegner rileta.
50.

E adesso parlo ai zóveni. Per gnente
speranze de la patria no i ve ciama!
Ela aspèta da vù richezze, fama,
compimento, giustizia. El cuor, la mente

sempre ve scalda quela santa fiama
che l'ha fata miracolosamente
libera; vu, rendêla vu potente;
volèghe ben come a la vostra mama!

Géra proprio cussì quando sul mar
sbatéva l'aria i veneti stendardi,
spavento al genovese e al mossulman.

Uniti ne l'azion e nel pensar,
no aspètèmo a svegiarse che sia tardi!...:
fata l'Italia, femo l'italian.




NB. ― L'autore ― vicentino ― si scusa delle non infrequenti parole e frasi di dubbia purezza dialettale veneziana che il lettore avvertirà nei sonetti; ma qual lingua o vernacolo, ai nostri giorni, può vantare pretta e rigida conservazione?

Lo intendano i più e rettamente giudichino le sue intenzioni; altro non brama.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Cristofferi_-_Un%27onta_e_una_ponta,_Venezia,_Pellizzato,_1907.pdf/32&oldid=73389"