Sta pagina la xe stà trascrita, ma la gà ancora da vegner rileta.
PER LA FESTA DE S. MARCO
EL BOCOLO A REGINA
Regina mia, desmissiete!
Varda che tempo belo!
Senti che arieta tepida..,
Varda che sol, che çielo!...
Xe da per tuto un moverse
De tosi inamorai....
De tosi messi in cìcara
Pulito e ben giustai
Che va a portarghe el bocolo
A chi ghe stà nel cuor
Per dirghe in recia i soliti
Vocaboli d'amor...
Mi, inveçe, per distinguerme,
Ciapo la mia chitara
E vegno..., e coro a ofrirtene
Un de più belo, o cara!...
Varda xe questo l'unico
Fior che pol star sul peto
D'una putela vergine,
Anzi d'un anzoleto