Sta pagina la xe stà trascrita, ma la gà ancora da vegner rileta.
No starme far la rùstega,
La brontolona!...
Vòltite..., varda..., rìdime...
E torna bona!
No rifiutarme el bòcolo
Che te presento
Perchè el xe 'l vero interprete
De quel che sento!...
El so profumo màgico...,
El parla al cuor..
El ga un linguagio tènaro...,
Tuto d'amor!
La so freschezza morbida
Primaveril
No vinçe el to adorabile
Viso zentil!