Se ghe domando: ― Barbara,
Dove el to cuor xe andà?... ―
La me risponde: ― Caspita!...
Mi lo go sempre qua!...
Ma darlo in premura
Le tose no pol!...
La lege xe dura:
La mama no vol!
Finchè, finchè..., xe inutile..,
L'anelo in deo no go...,
Pol capitarme un prinçipe
Che ghe dirò de no!
Co mi, benedeto,
Scherzar no se pol!...
Ghe digo e ripeto:
La mama no vol!
Ah!... se me salta el rèfolo
Cambio d'idea... perchè
L'amor co sti propositi
De moda più no xe!
Co Malgari bela
Scherzar no se pol...
La ga sempre quela:
La mama no vol!
Pagina:D'Alpaos - Svoladine e refoli, Venezia, Visentini, 1897.pdf/72
Sta pagina la xe stà trascrita, ma la gà ancora da vegner rileta.