Sta pagina la xe stà trascrita, ma la gà ancora da vegner rileta.
LE XE TUTE ADULAZION 1
Se camino per la strada,
Se me fermo un momentin...
Chi me giudica, a un'ociada,
O una rosa, o un zensamin;
Chi me tol per una stela,
Per un anzolo del ciel...,
Chi ripete che son bela,
Ma superba..., ma crudel!..
Perchè a più d'un zovenoto,
Descolà da la passion...,
Go risposto co sto moto:
― Le xe tute adulazion! —
- ↑ Questa poesia, inspirata da un bellissimo busto di donna, scolpito in marmo dal valente artista Benvenuti, fu premiata con Diploma d'onore al Concorso canzonettistico di tutti i dialetti d'Italia, banditosi l'anno 1895 dal giornale internazionale La Mascotte di Milano. ― Fu musicata dal m. Eugenio Lugo di Milano il quale ebbe pure il Premio al Concorso musicale indetto dallo stesso Giornale.