I XE FATI PER AMAR
Ti xe bionda, rizza e snela,
Tuta grazia e tuta amor;
Ti xe brava, bona e bela,
Ti xe fia de un gran signor!
Mi so inveçe un povareto
Che me strussio come un can;
Ma el guadagno xe discreto
Col mistier che mi go in man!
Sto pèr d'oci, sto bel viso...
I xe fati per amar,
I promete un paradiso
Che mi vogio conquistar!
Se un pocheto diferente
Xe la nostra condizion...
L'amor puro, veramente...
No 'l fa çerte distinzion!
