LA ME FAZZA STO PIAÇER!
Bona sera, signorina!...
Mi so qua da stamatina
Che spazziso, che l'aspeto
Per amor del so viseto..,
E, za che la trovo sola,
Vogio dirghe una parola...,
Vogio almanco aver l'onor
De donarghe sto bel fior!
Bela bionda,
La risponda...,
La me fazza sto piaçer:
La me diga el so pensier!..
Gogio, forse, una figura
Che a vardar ghe fa paura?..
Gogio un muso da birbante
Che la stà cussì distante?
