79.
E in bota atorno al ben fornido altar
Tute le bestie in riga i destirava;
Le man i se xe andai dopo a lavar;
La solita fugazza i preparava,
La careghe e la tola per disnar;
E i cortei per scanar i bo i guava.
Quando che tuto xe sta pronto, Crise,
Le man alzando al Cielo, cussì el dise:
80.
- Febo, che tanto ben l'arco d'arzento
Ti manizi, e che soto al to comando
Ti ga tante cità, fame contento:
Se l'altro zorno i Greghi castigando
Subito ti ascoltavi el mio lamento,
Ascoltime anca ancuo che te domando
De far che el mal dei Greghi sia finio. -
E anca sta volta l'ha esaudio.
