Варі.
In ponta de pie.... cussì.... cussì. (mentre Lisa e Bapi s'avviano in punta di piedi esortandosi a non fare rumore, Carlo fa un cenno rapido a Cecilia di fermarsi).
Bòvola
(sempre dal pianterreno gridando).
Ohe, Giudita, vien abasso che no so cossa che costa sto scaldaleto!
Giudita.
Son qua.... son qua....
Daniel (a Carlo).
Andemio sì o no?
Carlo.
Fa pareciar che vegno.
Giudita.
Va a sgionfarte, va là! (via a destra e Daniel via dal fondo. — Lisa e Bapi sono già entrati a sinistra bisbigliando allegramente).
SCENA V.
Cecilia e Carlo, poi Lisa, Bapi e detti.
Cecilia.
Coss'è? No ti ga altri momenti....
Carlo.
Ti vedi che no comando; prego! Do sole parole: un de sti zorni se farà el batizo dela putela.
