SCENA VII.
Carlo, Daniel e detti.
Carlo (d. d.).
El gera poco mantecà.
Daniel.
E mi te digo che un bacalà compagno, no se magna gnanca a la Cità de Firenze.... (uscendo) Oh!... sior Conte, le mie riverenze.
Carlo
(sorpreso si leva il cappello).
Riverisco!
Alvise (senza salutarli).
Semo intesi, Giudita. In tuti i casi la prego, che noi disturba el papà.... (verso Carlo) gnanca per riportarghe i elogi stupidi per mi, stampai su un toco de carta sporca.
Carlo
(confuso, ma vuol fare il disinvolto).
Questione d'opinioni....
Alvise
(a Carlo mettendosi il cappello).
Per el resto go combinà qua con Giudita, e prima de desinar tornarò a tor la ricevuta e a pagar.... Oh!... do righete firmae da tuti tre.
Giudita.
Ghe portarò....
