Pagina:Gallina - La base de tuto, Milano, Treves, 1897.pdf/37

Sta pagina la xe stà trascrita, ma la gà ancora da vegner rileta.

se trata de mi solo. (firma le carte firmate già da Daniel e Giudita)

Daniel.

Gastu visto ti che ti zigavi tanto? Sora sto afar stasera magnaremo le tripe.

Carlo.

No. Sti soldi no se toca, ghe daremo subito la rata de le ottocento ala Signora.

Giudita.

Bravo!... Ti ga squasi più giudizio ti de lu.

Carlo.

E el resto servirà per il rinfresco co la Signora vorà far el batizo.

Giudita.

Cossa?... La Norma?...


SCENA VIII.
Bòvola (d. d.), Norma e detti.


Bòvola
(di dentro come il solito, ma con impazienza).

Giudita!... Vara che xe la Norma.... la vien dessuso.

Norma (di dentro).

No gavè altri particolari, digo! la Norma!

Bòvola (c. s.).

Ciò, che arie, no la go minga ofesa, in malora!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Gallina_-_La_base_de_tuto,_Milano,_Treves,_1897.pdf/37&oldid=79389"