SCENA XI.
Daniel poi Lisa, Bapi, Cecilia e detti.
Daniel (con la pelliccia).
Eco la peliza co la scarseleta giustada.
Vidal.
Ve ringrazio, no so come sdebitarme....
Daniel.
Me maravegio; salo chi ghe xe che fa le scale? La Lisa co so mario!... (sulla porta) Vardè chi che xe qua!
Lisa.
Oh!... Nobilomo, serva sua. Go tanto caro de vedarlo. (allegra sempre)
Bapi.
Nobilomo, patron. El sta benon! El me par un altro. (cogli involti in mano)
Vidal (con cordialità e allegria).
Adio, fioi: sè tornai a Venezia, bravi, go caro; gera un toco che no se vedevimo!
Lisa.
El lassa che me consola perchè go sentio de l'eredità ch'el ga fato.
Bapi.
Anca mi de cuor, perchè el xe una degna persona....
