Cecilia.
Oh! caro, co belo! Figureve cossa che la tirarà i oceti.
Bapi.
E questa xe un pocheto de ciocolata per ela.
Cecilia.
Ma cossa ve seu pensai? Se saveva no v’avaria dito....
Bapi.
Qua po', ghe xe un'altra robeta (accenna ad un involto).... s'el savesse, Nobilomo!
Cecilia.
Lassè che veda, lassè che veda!
Vidal.
Vedemo, vedemo, so curioso anca mi.
Bapi.
Eh! a pian.... a pian.... materie esplosive!
Vidal.
Varè che proprio me la godo.... Me vien el borezzo a vedarve cussì boni e contenti! Brave, crature mie; vogieve sempre ben e sarè felici..... (verso Giudita come scherzando e come per ribattere la sua idea) perchè volerse ben, xe la base de tuto.
Giudita
(scherzando come Vidal).
Dato sempre el caso che sul fogher bogia la pignata!
